CB Breogán

Unha charla sobre a vida do deportista, os hábitos saudables como a boa alimentación, o descanso e a importancia de compatibilizar o estudo co deporte, leva a xogadores do Río Breogán aos centros educativos da provincia, co apoio da Vicepresidencia da Deputación de Lugo.

Sergi García e Toni Nakic visitaron o colexio de Castro de Rei, onde ademais de responder multitude de cuestións dos alumnos , tiveron tempo para realizar fotos e asinar autógrafos de recordo para o centro, que preparou un gran recibimento para os deportistas, que incluiu a interpretación do himno do Breo cantado polos propios alumnos.