Pesar polo falecemento de Ramón Estévez, figura clave na historia celeste
Presidente dende 1988 a 1993, unha etapa na que o club deu pasos históricos a nivel deportivo e institucional
Ramón Estévez foi un presidente que deixa fonda pegada na historia do CB Breogán. Baixo o seu mandato abordáronse de xeito exitoso retos como a conversión do club en SAD, imprescindible para asentarse na ACB, e chegaron patrocinios como o histórico DYC que axudaron a que o club competira a bo nivel na máxima categoría. Tamén foi clave a súa xestión para implicar ás institucións na construción do Pazo dos Deportes, actual sede do club.
Estévez recibiu unha homenaxe por parte do club no ano 2017, coincidindo coa celebración do medio século de historia breoganista á que é contribuíu de xento destacado.
Dende o club, Consello de Administración, empregados, xogadores e corpo técnico, queren expresar o seu pesar e facerlle chegar a familia e achegados o seu pésame e ánimo neste difícil momento.