Venres 20:45 horas, Cafés Candelas Breogán – Leyma Coruña
O sempre especial arume de derbi volve ao Pazo coa visita do Leyma Coruña de Tito Díaz. O Cafés Candelas tratará de facer esquecer os últimos compromisos ante os herculinos e dar un paso máis na súa loita por todo nesta liga mentres manteña , incluso, opción matemáticas de alcanzar ao líder.
Chega o Leyma con dúas derrotas máis que os celestes (o Breo cun partido menos) e na sexta praza buscando a mellor posición posible de cara aos play offs.
O equipo de Tito Díaz está cargado de xogadores de talento e moi físicos con nomes como Monagham, Olmos, Rowley, Creus, Abia…
O partido dará comezo ás 20:45 horas no Pazo dos Deportes e as entradas venderanse en taquilla dende as 19:45 horas ao prezo habitual de 15€ senior, 10€ para estudantes ata 25 anos e persoas maiores de 65, e 5€ para os menores de 18 anos.