Primeiro paso adiante do Leite Río Breogán con brillante vitoria en Castelló

Compartir con

Primeiro paso adiante do Leite Río Breogán con brillante vitoria en Castelló

Os celestes dominaron de principio a fin no primeiro partido de liga (68-91)

VÍDEO: --VOLVER A VER O PARTIDO--

Gran inicio do Leite Río na nova campaña. O equipo de Diego Epifanio dominou o encontro dende o salto inicial con moi boas porcentaxes no lanzamento e esforzo en defensa, o que levou a acadar amplas vantaxes sobre un TAU Castelló que se viu superado pola intensidade do equipo galego que foi quen de anotar 34 puntos no primeiro cuarto. No segundo e terceiro os homes de Epi deixaron aos rivais nuns exiguos 10 e 11 puntos respectivamente.

O acerto breoganista e as boas sensacións prolongáronse durante case todo o partido ata os minutos finais nos que o TAU buscou acurtar unha desvantaxe imposible en favor do Leite Río.

O cuarto final foi para os locais que desatascaron o ataque e melloraron notablemente en tódalas liñas, pero xa co partido sentenciado dende moitos minutos atrás.

A anotación dos celestes estivo moi repartida. Destacan os 15 puntos e 7 rebotes de Dago Peña, os 15 puntos de Olah, os 12 de Sergi Quintela e os 11 de Christian Díaz que entregou 8 asistencias, ou os 8 puntos e 5 rebotes de Salva Arco.

Os celestes regresas a Lugo coa primeira vitoria no peto e pensando xa no primeiro partido no Pazo, que será o vindeiro sábado día 5 de outubro, festividade de San Froilán, ás 19:00 horas ante o Liberbank Oviedo Baloncesto.

Primeiro paso adiante do Leite Río Breogán con brillante vitoria en Castelló
Primeiro paso adiante do Leite Río Breogán con brillante vitoria en Castelló
Primeiro paso adiante do Leite Río Breogán con brillante vitoria en Castelló
Primeiro paso adiante do Leite Río Breogán con brillante vitoria en Castelló
Primeiro paso adiante do Leite Río Breogán con brillante vitoria en Castelló

Youtube

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.

Aceptar Máis información