Técnico e club chegaron a un acordo para que o adestrador siga dirixindo ao equipo a próxima tempada
Vejko Mrsic chegaba ao Río Breogán mediado o mes de xaneiro tras dirixir á selección croata. O adestrador celeste conta con experiencia en España na súa etapa de xogador (Unicaja e Xirona) e adestrador (Bilbao Basket), e en varias ligas europeas. Foi no KK Cedevita, co que logrou varios títulos, onde coincidiu con Dzanan Musa ao que fixo debutar en Euroliga con só 16 anos.
Mrsic dirixiu ao Río Breogán nunha participación histórica na Copa do Rei e logrou unha permanencia matemática en Liga Endesa de forma folgada que permite ao club pensar en retos maiores.
