Río Breogán e WIBO Sports, da man en Liga Endesa

Compartir con

Renovado o acordo co provedor da roupa oficial do club

Wibo  Sport e o CB Breogán seguirán da man a próxima tempada na máxima competición nacional. O equipo lucense aposta por seguir na familia Wibo Sport na súa volta á elite despois dun ano de moitísimo éxito e na que será a segunda tempada xuntos. 

O Río Breogán volve á Liga Endesa despois de terminar como primeiro clasificado en LEB Oro e de haber levantado Copa Princesa, un ano histórico no que  Wibo  Sport envorcouse co equipo lucense realizando iniciativas cun  grandísimo impacto. Na disputa de Copa Princesa, o CB Breogán luciu un equipamento exclusivo deseñado conxuntamente con Sargadelos para homenaxear os máis de 50 anos de historia celeste, e á memoria histórica, empresarial e cultural de Galicia representada pola empresa cerámica. 
Ademais, o Río Breogán dispuxo ao termo da final de LEB ORO, camisetas  Wibo  Sport que facían referencia á súa volta á Liga Endesa co parche da competición, algo inédito e que mostra o compromiso de  Wibo  Sport co CB Breogán.
Tito Díaz, Director Xeral do CB Breogán apunta: “Para nós é unha satisfacción poder contar unha tempada máis con  Wibo  Sport, unha empresa que demostrou o seu compromiso, calidade e eficacia desde o primeiro momento. Será un pracer poder contar co respaldo dunha gran marca no noso regreso a Liga Endesa e que, tanto o primeiro equipo como os afeccionados a través do merchandising oficial, poidan lucir con orgullo as nosas cores nunha tempada ilusionante”.
Para  Wibo  Sport trátase dun acordo moi ilusionante: “Sempre estamos moi pendentes de Lugo, teñen uns valores que nos encantan. É un club moi importante para nós pola súa tradición de baloncesto e pola afección tan apaixonada que teñen, polo que que o CB Breogán siga na nosa familia é moi importante e moi bonito para nós”.

Nos próximos días será desvelada o primeiro equipamento do CB Breogán, con claras referencias á cidade e á provincia. 

Río Breogán e WIBO Sports, da man en Liga Endesa

Youtube

En cumprimento da Lei 34/2002, de Servizos da Sociedade da Información, lembrámoslle que este sitio web utiliza cookies co fin de mellorar os nosos servizos.

Aceptar Máis información