O xogador lucense comprométese co equipo celeste para as dúas vindeiras tempadas
Quintela (Lugo, 20/09/1996), é un escolta de 1,85 m. que aportou a pasada campaña no Cafés Candelas, na súa primeira experiencia en LEB Oro, 4,1 puntos en 11 minutos de media en pista nos 39 encontros nos que participou ás ordes de Natxo Lezkano.
Sergi Quintela quere seguir medrando como xogador no equipo da súa cidade. Tras unha tempada na que o seu traballo levouno a ser un xogador importante no Cafés Candelas, Sergi quere ser profeta na súa terra e lucirá o 42 durante as dúas vindeiras campañas.
Sergi Quintela asinou unhas porcentaxes de 53% de acerto en tiros de dous puntos, un 30% en triplas, e demostrou ser un dos xogadores máis fiables da liga dende a liña de tiros libres con 93,2% de acerto.
