O equipo celeste incorpora a un dos mellores interiores da pasada tempada en LEB Oro
Seydou Aboubacar Hima (Níxer, 9 de maio de 1994 ) é un pivote de 2,07m. en constante progresión que destaca pola súa capacidade física en posicións próximas ao aro, achegando solidez, rebote e intimidación.
Procedente do Carramimbre Valladolid, Seydou converteuse en peza clave do equipo que marchaba líder de LEB Oro no momento en que finalizou a pasada tempada, achegando 6,8 puntos e 7 rebotes de media en 20 minutos sobre a pista.
Seydou é moi coñecido pola afección celeste xa que xogou no Estudantes Lugo na tempada 16/17 e completou pretempada e os adestramentos do primeiro equipo do Breo en varias etapas.
O novo pivote celeste chegou a debutar en Liga Endesa da man de Bilbao Básquet en 2015 e é internacional con Costa de Marfil.
De familia lucense, a incorporación de Seydou Aboubacar ao Leite Río Breogán é unha benvida á súa casa.
Traxectoria:
CB Piélagos (2011-2012)
CB Prat (2012-2013)
Club Deportivo Maristas Palencia (2013-2014)
Zornotza Saskibaloia Taldea (2014-2015)
Bilbao Basket (2015-)
CB Plasencia (2016-2018)
Club Baloncesto Ciudad de Valladolid (2018-2020)