Venres 20:45 horas, derbi galego, con moitos alicientes
Día de emocións no Pazo. Ademais dun partidazo entre o Cafés Candelas Breogán e o Leyma Coruña de Tito Díaz, co que todo elo significa, o Universitario acollerá unha xornada para a lembranza.
A Banda Municipal de Rábade estará no partido e tocará tamén antes do comezo. Axudarán a recuperar algúns sons do histórico Pavillón Municipal onde comezou a súa andadura o Breogán, e uniranse á Peña Boinas e Zocas que será homenaxeada no descanso.
Himno galego
Trala presentación dos equipos soará o himno de Galicia como é habitual nos derbis galegos.
Causas solidarias
Os partidos do Breogán da presente tempada serven para coñecer mellor o traballo de asociacións e entidades que traballan pola sociedade. Nesta ocasión será a Asociación Lucense de Esclerose Múltiple (ALUCEM) a merecedora de que recoñezamos a súa labor.
Tamén será posible colaborar co «Reto 1000 pulseras para MEF2C» mercando pulseiras para axudar nos tratamentos e a investigación dun síndrome encadrado dentro das enfermidades raras.
Canastra Star Center
No descanso entre os dous primeiros cuartos haberá un novo concursante que probará sorte para levar a TV de Star Center Electródomésticos.
Homenaxe á Peña Boinas e Zocas
Unha ampla representación da histórca peña breoganista estará na grada e saltará ao parqué para recibir o aplauso da memoria máis entrañable da afección breoganista. Unha viaxe no tempo para os máis veteráns e unha ensinanza para os máis novos. A peña será homenaxeada con motivo dos 50 anos do club.
Dende antes do partido será posible mercar rifas para o sorteo que se celebrará entre o 3º e derradeiro cuarto. Os dous premios en xogo son unha cea co equipo, e unha camisola edición espacial do 50 aniversario. As rifas venderanse por 1€.
Simplemente chegar ao Pazo e gozar o ambiente nas gradas, onde hoxe tamén haberá representación laranxa do Leyma Coruña, xa é un aliciente máis que suficiente para non faltar.