O Río Breogán chegou a un acordo económico co xogador Sergi García Calvo, desistindo o primeiro ao dereito de tenteo exercitado no seu momento, e outorgándolle así, ao xogador, plena liberdade para ser contratado por calquera outro club participante na liga ACB 24/25.
Despois de ofrecerlle desde o club a opción de renovar o seu contrato, o xogador, a través dos seus axentes, informou da súa vontade de non aceptar a proposta de renovación para estudar outras posibilidades.
Desde o Club agradéceselle o seu compromiso e dedicación durante estas dúas últimas campañas, desexándolle sorte na súa nova etapa profesional.
