AVA CR7 súmase ás «Empresas Que Fan Equipo» como Partner Técnico de recuperación do Río Breogán
A marca proporciona ao club un amplo catálogo de produtos tecnolóxicos de última xeración para facilitar o traballo do equipo médico e dos fisioterapeutas
Experiencia, un profundo coñecemento das necesidades dos deportistas e unha incansable vontade de innovar. Sobre estes tres pilares da vida de Cristiano Ronaldo naceu AVA. Neste ambicioso proxecto, Cristiano conta como socio estratéxico con Avanutri —empresa brasilera fundada en 2004 e referente mundial na fabricación de produtos innovadores para a recuperación de atletas—, combinando traxectoria e paixón pola excelencia.
A misión de AVA CR7 é ofrecer a tecnoloxía máis avanzada en recuperación física, dotando aos profesionais da saúde e do deporte de ferramentas intelixentes que, máis alá de facilitar o seu traballo diario, lles permitan acadar o máximo rendemento. A marca aspira a ser un partner no camiño cara á excelencia, axudando a estes especialistas a alcanzar novas cotas de éxito e impacto.
Unha visión de futuro
AVA CR7 nace co obxectivo de ser unha verdadeira incubadora de tecnoloxías intelixentes no campo da recuperación deportiva, impulsando innovacións que transformen a vida dos atletas. A través dun compromiso firme coa investigación e a colaboración continua, a firma traballa para desenvolver solucións que abran novos horizontes no sector, promovendo a excelencia, a saúde e o rendemento de forma revolucionaria.
