Boa imaxe do Cafés Candelas na estrea de pretempada ante o FC Barcelona
O equipo celeste mantivo o encontro equilibrado e incluso mandou no electrónico durante varios minutos ata o arreón final culé (61-78)
Máis de 2000 persoas presenciaron o amigable que enfrontou no Pazo ao Cafés Candelas Breogán de Natxo Lezkano e o FC Barcelona Lassa de Sito Alonso.
Un ambiente de gala no primeiro partido de pretempada de ámbolos dous conxuntos, e ambos en construción, pero que deixaron moitos minutos de baloncesto vistoso para os asistentes.
O Breogán de Lezkano deixou bo sabor de boca e moitos detalles de calidade sobre a pista con interesante aportación dos xogadores vinculados e que lle permitiron plantar cara a todo un grande do baloncesto internacional.
Anotadores:
Cafés Candelas Breogán: Úriz 7; Beltrán 1; Uclés 5; Córdoba 2; Löfberg 5; Arco 10; Rubio 10; Díaz 4; Stainbrook 12;Quintela 5; Corral-; Iker-.
FC Barcelona Lassa: García 16; Pressey 10; Vezenko 10; Kurucs 11; Font 5; Gerun 6; Figueras 5; Tomic 5; Moerman 10; Diagne-; Martínez-; Esteban-.
