Incorporánse ao club Mauro Nogueira e Adrián Callejo
Mauro Nogueira, fisioterapeuta especializado no ámbito deportivo, conta con experiencia en baloncesto e fútbol de alto nivel. Desde 2021 colabora coa Federação Portuguesa de Basquetebol, participando en campionatos europeos internacionais en distintas categorías de formación, e traballou en institucións como ArteFisio, GDESSA e a Federação Portuguesa de Ténis, ademais de coordinar a área de fisioterapia do fútbol de formación no histórico Vitória Futebol Clube de Portugal.
Adrián Callejo, fisioterapeuta con experiencia no ADC Lugo Sala e no Centro de Fisioterapia Benestar, participou en eventos como o Campus Álex Llorca e realizou prácticas en hospitais e clínicas de referencia en Galicia. Conta con formación en técnicas como punción seca, electrópunción, exercicio terapéutico e terapia manual, e cursa o Posgrao en Fisioterapia Invasiva Avanzada. Ademais, posúe licenza federativa do Comité Galego de Árbitros e exerce como oficial de mesa en competicións FEB, o que reforza a súa estreita vinculación co baloncesto.
