Desde o CB Breogán, informamos que, con respecto ás noticias publicadas sobre o xogador Ben E. McLemore, quedamos á espera de recibir a información legal detallada por parte dos representantes legais do xogador. Isto ten como intención coñecer a súa situación xudicial, xa que o sistema legal estadounidense, e o do estado federal de Oregón en particular, son diferentes ao español. Por tanto non é posible realizar equiparacións directas a situacións procesalmente equivalentes en España.
A semana pasada, o xogador solicitou permiso ao Club para unha comparecencia en sede xudicial no seu país de orixe sen detallar o contido exacto da causa. Segundo os seus representantes, esta comparecencia permitiríalle regresar a España nas 72 horas seguintes. Con todo, na data de redacción, debemos agardar a obter a información legal pormenorizada para realizar calquera xuízo de valor con garantías.
Desde o Club, expresamos nosa máis enérxica condena fronte aos actos de violencia de calquera tipo. Sempre respectamos a presunción de inocencia, pero ao mesmo tempo, reafirmamos o noso compromiso coa prevención, educación e sanción destas condutas inaceptables. Esta responsabilidade colectiva veuse promovendo tanto desde a entidade como desde a Fundación Breogán, desenvolvendo accións e valores que axudan cada día para construír unha sociedade mellor.
