Nas últimas horas, un dos nosos capitáns e emblemas do club, Sergi Quintela, comunicounos a súa decisión de resolver o contrato en vigor, executando así a cláusula de saída contida no mesmo.
É un día triste para o breoganismo. Aínda así, e feito todo o posible para seguir contando con Sergi durante moitos máis anos, temos que acatar as decisións persoais do xogador e, como non podía ser doutra maneira, debemos manifestar o noso máximo agradecemento por todo o que fixo pola nosa entidade, desexándolle todo o mellor nos seus novos retos profesionais e, ao mesmo tempo, soñar co día en que podamos volver contar con el no Club.
O C.B. Breogán é e seguirá sendo a túa casa. Grazas Sergi!
