O pivote serbio de 2,06 m. e 29 anos xogará a súa segunda tempada nas filas do equipo lucense
Dragan Apic (Novi Sad, Serbia, 3 de outubro de 1995) chegou a Lugo o pasado verán para incorporarse ao Río Breogán. Participou nos 34 partidos de Liga Endesa, adaptándose á perfección ao seu rol de xogador de equipo e achegando 6 puntos e 3 rebotes en 15 minutos en pista. Foi un xogador importante nos esquemas do conxunto lucense.
A renovación de Dragan Apic súmase ás xa confirmadas de Aranitovic, Mavra e Kurucs, e aos xogadores con contrato en vigor: Erik Quintela e Jordan Sakho. Con isto, a dirección deportiva segue sentando as bases dun equipo competitivo e cunha importante continuidade para a tempada 2025/2026, que será a quinta consecutiva na máxima categoría.
