O pivote serbio de 2,06 m. e 28 anos, procede do Le Mans francés e conta con experiencia en Liga Endesa
O Río Breogán chegou a un acordo para a incorporación do pivote serbio Dragan Apic (Novi Sad, Serbia, 3 de outubro de 1995).
Formado nas categorías inferiores do KK Vrsac e de Estrela Vermella, conta con experiencia na liga rusa (Lokomotiv Kuban) antes de pasar pola liga Endesa da man do San Pablo Burgos onde competiu durante a segunda parte da tempada 2019/20. Posteriormente pasou pola liga Adriática onde xogou no montenegrino Budocnost, e na liga polaca co B Zielona Gora.
Na campaña 2022 recala no Nizhny Novgorod ruso onde promedia 10,7 puntos e 5 rebotes en 19 partidos e 22 minutos de media sobre a cancha.
A pasada tempada terminouna xogando en Francia co Le Mans Sarthe, achegando en 14 partidos, con 10,4 puntos e 4,4 rebotes en 19 minutos de media.
Apic é un pivote con gran experiencia en Europa, e con bos fundamentos técnicos, capaz de xogar de fronte e de costas ao aro e que mostra un bo equilibrio entre o seu xogo de ataque e defensa.
As súas características físicas e técnicas convértenlle nun interior móbil, polivalente e que se pode complementar ben con Jordan Sakho, o outro pivote confirmado ata o momento.
