O Río Breogán – Manresa dará visibilidade á Asociación Lucense de Esclerosis Múltiple
ALUCEM é unha asociación sen animo de lucro que fundamentalmente loita pola erradicación da Esclerosis Múltiple e a mellora da calidade de vida de persoas que a padecen.
A iniciativa desenvólvese no marco do acordo de patrocinio co que a Vicepresidencia da Deputación de Lugo apoia ao CB Breogán e que inclúe, entre outras accións, a participación do club en iniciativas de sensibilización e visibilización realizadas por entidades sociais, no fomento do deporte e dos hábitos saudables con visitas a centros educativos ou na posta en valor de recursos e espazos culturais, patrimoniais e ambientais.
