O centro deportivo amplía a súa colaboración co CB Breogán
O club segue recadando apoios entre as empresas lucenses e como ocorreu durante as últimas tempadas, o Centro Deportivo Forus atópase entre as entidades que colaboran activamente co club.
Forus, situado a só uns minutos do centro de Lugo, presta as súas instalacións deportivas e de lecer para que o persoal do CB Breogán complete as súas necesidades de preparación física e recuperación.
Forus Lugo cumpre así cunha das súas premisas que inclúen colaborar co deporte de Lugo.
O Director Xeral do CB Breogán, Tito Díaz, desprazouse ata as instalacións de Forus Lugo (Rúa Iglesias Otero, 52, 27004 Lugo) onde se asinou o acordo coa presenza do subdirector do complexo deportivo Carlos Tordesillas.
