O club lucense e o xogador malagueño chegaron a un acordo para a súa continuidade
Francis Alonso seguirá defendendo a camiseta do Río Breogán na Liga Endesa na tempada 2026/2027. O seu regreso á máxima categoría da man do club celeste, cunha excelente adaptación ao estilo de xogo de Luis Casimiro, lévao a ser un dos grandes anotadores da competición.
Aos seus 29 anos, o xogador malagueño de 1,91, internacional con España nas últimas ventás FIBA, está a promediar 14 puntos cun excelente 40,2% de acerto desde a liña de tres puntos, un 51,2% en tiros de 2 puntos e un 90% desde o tiro libre, sendo o segundo mellor anotador nacional da Liga Endesa. Ademais, capturou 2 rebotes e deu 1,4 asistencias por partido nos 32 partidos disputados.
A súa brillante tempada vestido de celeste foi clave na consecución dos obxectivos do Río Breogán e converteuse de pleno dereito nun dos xogadores predilectos da afección breoganista.
