CB Breogán

O malagueño do Río Breogán foi elixido polos seareiros nunha votación popular nas redes sociais. O gran mes de outubro de Alonso, que promediou 14 puntos, cun 45,5 % en triplas e 14,8 de valoración, levouno a ser elixido pola afección. O delegado de Hijos de Rivera en Lugo, Pedro Gay, foi o encargado de facerlle a entrega. Alonso amosouse agradecido polo recoñecemento e desexoso de seguir contando coa enerxía da afección no Pazo.