O Río Breogán ten a fortuna de contar con empresas comprometidas co proxecto. O Grupo Luis Iglesias é unha delas, consolidando así unha relación que xa alcanza as seis campañas dentro da iniciativa “Empresas que fan equipo”.
Esta empresa familiar lucense destaca pola súa ampla oferta de servizos, que inclúe actividades funerarias, floristería, seguros e mobiliario, desenvolvendo a súa actividade en distintos puntos da provincia de Lugo. En concreto, o Grupo Luis Iglesias conta con instalacións en Rábade, Outeiro de Rei, Baamonde, Cospeito e Friol.
Ata as súas instalacións desprazáronse o capitán, Érik Quintela; o director deportivo, Tito Díaz; e o membro do consello de administración, José Manuel Rozas, quen agradeceron persoalmente aos responsables da empresa o seu compromiso e apoio continuo ao club.
Dende o club agradécese especialmente a confianza e fidelidade de empresas como o Grupo Luis Iglesias, fundamentais para seguir impulsando o crecemento do proxecto deportivo e social do Breogán.
