O interior congolés cumprirá a súa segunda etapa no club celeste, onde xa militou en 2022
Jonathan Kasibabu é un pívot de 2,04 metros e 30 anos formado nas categorías inferiores do Canterbury canario e do Real Madrid, antes de comezar o seu periplo nos Estados Unidos. Alí competiu na NCAA e na G-League, onde formou parte dos Long Island Nets e dos Austin Spurs.
Ao seu regreso a Europa, xogou no Nantes francés antes de recalar no Río Breogán na tempada 2021/22. Na súa primeira etapa en Lugo, o pívot permaneceu ata o mes de decembro e disputou cinco partidos na Liga Endesa, ademais do encontro da fase previa da Basketball Champions League.
Tras a súa saída do conxunto celeste, Kasibabu militou nalgúns dos mellores equipos de Primeira FEB, como Palencia, Burgos, Betis e Fuenlabrada. Neste último firmou a pasada tempada unhas medias de 8,8 puntos e 4,6 rebotes por partido.
Kasibabu, que conta coa condición de xogador de formación ("cupo"), destaca por ser un interior moi físico, cunha gran capacidade defensiva e reboteadora. Ademais, a súa mobilidade permítelle adaptarse ás necesidades do equipo nas dúas posicións interiores.
Aportará enerxía e intensidade ao xogo interior do Breogán.
