O pívot cumpre a súa segunda etapa no Río Breogán
Acompañado polo director deportivo, Tito Díaz, e os xerentes de Norcontact, Macarena Cuiña e Javier Fernández, o xogador amosouse moi motivado pola confianza que o club depositou en el, así como disposto a achegar traballo e intensidade no día a día para axudar a conseguir os mellores resultados na tempada 2026/2027.
Tito Díaz, deu a benvida oficial ao xogador, e agradeceu o apoio de Norcontact, unha empresa que leva anos respaldando o club en múltiples facetas relacionadas coa evolución e desenvolvemento das plataformas de atención ao abonado e ticketing, sendo un pilar fundamental para os servizos de xestión da entidade e facilitando a modernización do club.
Pola súa banda, Macarena Cuiña desexoulle o mellor ao Breogán no novo curso e moita sorte a Jonathan Kasibabu nesta nova etapa, destacando a gran sintonía entre ambas as partes no que se consolidou como unha alianza empresarial moi sólida.
