O club incorpora ao seu corpo técnico a un profesional con gran experiencia no deporte de elite
Natural de Lugo (29 de xuño de 1974), José Antonio Durán Rivas é licenciado en Educación Física e conta cunha ampla traxectoria na xestión da preparación física en equipos de alto nivel e tamén na dirección de equipos, sendo adestrador do Club Deportivo Lugo en diferentes categorías.
Durán conta tamén cunha carreira de éxito na preparación física en baloncesto, sendo o preparador do lembrado Yaya María Ensino entre o 2000 e o 2011, equipo que logrou senllos subcampionatos de liga e copa, compatibilizándoo con seleccións españolas de baloncesto feminino en diversas categorías entre 2004 e 2015, logrando tres campionatos de Europa.
José Durán exerce actualmente como empresario no mundo da actividade física, sendo propietario de ximnasios especializados na preparación física integral.
Benvido ao Río Breogán!
