O club e o xogador chegaron a un acordo para prolongar o seu contrato ata o final da tempada
O xogador serbio, que chegara ao Río Breogán cun contrato temporal no treito final da pretempada, convenceu a dirección deportiva e o corpo técnico do equipo celeste, acadando un acordo para a súa continuidade.
A súa rápida adaptación ao equipo e á proposta de Luis Casimiro, xunto coa súa achega nos catro partidos da Liga Endesa que leva disputados —nos que promediou 7,3 puntos (cun 53,3 % en tiros de tres), 3,8 rebotes e 1,3 recuperacións— foron argumentos importantes para que o internacional serbio complete o cadro celeste ata o final da presente tempada.
