Membros do club participaron nun obradoiro que amosou o sistema tradicional de acuñar moedas na época romana
Os técnicos Veljko Mrsic, Fernán Varela e o director xeral Tito Díaz, asistiron á iniciativa levada a cabo pola Vicepresidencia da Deputación de Lugo e a asociación Caetra Lucensium, arredor exposición numismática "De monetaria Galega", celebrada no Museo Provincial de Lugo.
Alí coñeceron o traballo artesanal e a historia da elaboración de moedas romanas das que se expuxeron pezas entre as que destacou o singular “sestercio da Caetra” e que completou unha das exposicións numismáticas máis importantes do estado.
