A experiencia na instalación lucense durante os partidos de Liga Endesa mellora cada xornada e sitúase como unha oportunidade privilexiada para as marcas que buscan conectar coa emoción dos afeccionados.
A experiencia na instalación lucense durante os partidos de Liga Endesa mellora cada xornada e sitúase como unha oportunidade privilexiada para as marcas que buscan conectar coa emoción dos afeccionados.
O Pazo inaugurouse no ano olímpico de 1992. Tras máis de 12.000 días, segue a ser o corazón, o Fogar do CB Breogán.
Tras décadas de uso intensivo, a instalación actualízase grazas á Vicepresidencia da Deputación de Lugo.
A través da súa Área de Deportes, acometéronse melloras críticas, e outras veñen en camiño:
Gradas: Novos asentos ergonómicos que melloran a comodidade.
Infraestrutura: Reparación integral da cuberta.
Climatización: Sistema intelixente que evita a condensación e a humidade do Miño.
Iluminación LED: Aforro enerxético e potencia visual para o espectáculo.
O gran salto: Videomarcador 360º
A gran novidade é o cubo central suspendido. Co seu formato 360º, transforma a experiencia na Liga Endesa, permitindo unha interacción total co público e soporte para o sistema arbitral.
Esta tecnoloxía é unha oportunidade de ouro para as empresas. O Breogán gaña un soporte publicitario de última xeración para xerar recursos e competir contra orzamentos de equipos procedentes de grandes urbes.
Mais ca un patrocinio, unha identidade
Patrocinar o Breogán non é só poñer un logo; é unirse a unha viaxe de 60 anos. É encarnar o papel do underdog que loita ante xigantes e gañar o corazón dos afeccionados ao deporte e das historias inspiradoras de superación.
O Pazo ofrece o soporte perfecto para a paixón que está no ADN de Lugo e de Galicia.
Só hai que vivir un partido no «Fogar do Breogán» para entendelo.
O Pazo, e o Breo... enganchan
#ForzaBreo
