A Vicepresidencia da Deputación e o CB Breogán apoian a labor da Protectora, que busca casa para “os anímais que levan case toda a vida nas súas instalacións”
A Vicepresidencia da Deputación e o CB Breogán apoian a labor da Protectora, que busca casa para “os anímais que levan case toda a vida nas súas instalacións”
O CB Breogán dedicará o encontro do vindeiro sábado (Río Breogán – Morabanc Andorra, 20:45 horas) a visibilizar a labor da Protectora de Animais e Plantas de Lugo e promover a adopción ou o acollemento dos animais que viven nas súas instalacións en Muxa, en Lugo.
A deputada de Cultura Iria Castro, o director xeral do Breogán Salva Arco, o presidente da Protectora Alberto Losada e a vicepresidenta Elena Guinarte presentaron esta mañá a iniciativa, que implica a promoción da adopción e do acollemento nas redes sociais do club e nos soportes publicitarios do Pazo durante o encontro.
O presidente da Protectora Alberto Losada sinalou que unha das prioridades é atopar casa a través da adopción ou do acollemento para “os animais que chegaron á Protectora sendo cachorros e que levan case a túa vida alí”
Respecto á actividade da Protectora, destacou “que cada vez nos chaman máis para recoller gatos, porque aumentou moito a sensibilidade neste sentido” e explicou que “nos últimos anos, a Protectora recolleu unha media de 250 gatos ao ano”.
Iria Castro e Salva Arco destacaron “a importancia do traballo que desenvolve a Protectora asumindo o coidado de animais abandonados” e fixeron un chamamento “a colaborar coa entidade e co benestar dos animais a través da adopción ou do acollemento”.
A iniciativa desenvólvese no marco do acordo de patrocinio co que a Vicepresidencia da Deputación de Lugo apoia ao CB Breogán e que inclúe, entre outras accións, a participación do club en iniciativas de sensibilización e visibilización realizadas por entidades sociais, no fomento do deporte e dos hábitos saudables con visitas a centros educativos ou na posta en valor de recursos e espazos culturais, patrimoniais e ambientais.
