O club e o centro hospitalario renovaron o seu acordo
O Xerente de Ribera POLUSA, Javier Atanes, e o director xeral do CB Breogán, Salva Arco, renovaron o acordo polo que o centro hospitalario dará un amplo servizo médico de apoio ao equipo de saúde do club e que inclúe recoñecementos médicos, probas diagnósticas e outro amplo abanico de servizos de saúde, básicos no día a día dun equipo profesional.
Salva Arco agradeceu o compromiso de Ribera POLUSA e Javier Atanes destacou a importancia do deporte como unha ferramenta para a saúde e para o cal os equipos profesionais como o Río Breogán son un exemplo e un referente para a cidadanía.
