Vitória contundente do Río Breogán para iniciar o camiño en Europa (126-80)
O Río Breogán iniciou a súa andadura na fase previa da Basketball Champions League cunha exhibición ofensiva tras esmagar por 126-80 ao anfitrión, o Rilski Sportist búlgaro, en Samokov.
O equipo de Luis Casimiro impuxo un ritmo demoledor desde o inicio cun parcial de saída de 15-4. Apoiado na superioridade interior e na fluidez colectiva, o conxunto celeste encamiñou o choque ao descanso (57-38) e rematou a faena na segunda metade sen dar opción ao seu rival.
No apartado anotador destacaron Danko Brankovic e Francis Alonso (ambos con 19 puntos), secundados pola achega de Tevin Brown e Mavra (16 cada un). O base croata entregou 13 asistencias.
O Río Breogán disputará a segunda eliminatoria este xoves fronte ao Manchester Basketball, que certificou o seu pase tras imporse por un axustado 73-74 ao Würzburg Baskets alemán.
Ficha Técnica
126 - Río Breogán (25+32+37+32): Tevin Brown (16), Mavra (16), Peris (12), Andric (9), Brankovic (19) —cuinteto inicial—, Francis Alonso (19), Aranitovic (12), Erik Quintela (2), Edgar Vicedo (5), Aleksa Ilic (11) e Kasibabu (5).
80 - Rilski Sportist (16+22+18+24): Alan Arnett (16), Malik Johnson (9), Miroslav Vasov (8), Isaiah Richards (14), Jackson Stormo (2) —cuinteto inicial—, Karamfilov (7), Yordanov (3), Killian Martin (1), Kostov (4), Hristov (0), Bachkov (9) e Krasimir Petrov (7).
