O Breogán colaborou con AECC e dedicou o partido a informar sobre prevención con motivo do día mundial de loita contra a doenza.
Voluntarios da Asociación Española de Loita contra o cancro repartiron nas portas de acceso unha mazá a cada asistente ao partido do Cafés Candelas Breogán como símbolo da prevención a través da alimentación saudable, unha das bases da loita ante un mal que se sitúa como unha das principais causas de mortalidade entre a poboación.
A iniciativa contou coa colaboración da Deputación de Lugo e a empresa Frutas Lugo que aportou froita suficiente para que todos os asistentes ao encontro tiveran a súa mazá nunha bolsa con información sobre como previr a doenza.
Tamén se despregou unha pancarta coas cores da AECC.