O cribado realizado entre persoal celeste permitiu a detección de varios positivos
O partido UCAM Murcia-Río Breogán, programado para este próximo domingo 30 de xaneiro, ás 12.30, correspondente á xornada 20 da liga Endesa, queda aprazado ante a situación de casos positivos por COVID-19 que afectan ao persoal do Río Breogán.
A acb anunciará proximamente a nova data para a disputa do partido.
Os afectados atópanse asintomáticos ou con síntomas leves e baixo supervisión médica, cumprindo os protocolos pertinentes.
