O CSD comunicou ao CB Breogán durante este venres que toda a documentación recibida en relación ao xogador é correcta e ten vía libre para xogar no Cafés Candelas Breogán dende a vindeira xornada, que coincidirá co derbi galego ante o COB (sábado 6 de febreiro, 19:15 horas, Pazo dos Deportes de Lugo).
O club remitira no momento da fichaxe toda a documentación solicitada referente ao pasaporte caboverdiano de Xavier para cumprir os trámites esixidos para xogadores con dobre nacionalidade, pero os prazos non permitiron que Jeff Xavier xogara ante Básquet Coruña.
Na mañá de hoxe venres o CSD comunicou a resolución coa conformidade total que da luz verde para que o xogador participe nos partidos do Cafés Candelas.
