O ala-pívot de orixe senegalesa e nacionalizado español e o club celeste chegaron a un acordo para que o xogador continúe defendendo a celeste na campaña 2015/2016. Samb asinou 10 puntos e 4 rebotes de media na pasada campaña e procurará seguir progresando no equipo lucense do que xa foi unha importante referencia na súa primeira campaña.
Mamadou Samb, de 2,10m., un dos xogadores máis queridos pola afección breoganista pola súa entrega tanto dentro como fora da pista, xogará por segunda tempada consecutiva no Breogán, ao que chegara procedente do Bilbao Basket (ACB).
A renovación de Samb súmase á continuidade de xogadores como Álex López, Matulionis, Llorca e Dani López, e á chegada dos recén incorporados Rakocevic, Wright, Ucles e Llorente.
O club traballa para seguir completando un plantel e nos vindeiros días agárdanse novidades ao respecto.