Elixido polos afeccionados a través das redes sociais, a estrela celeste recolleu o seu cuarto galardón do patrocinador Estrella Galicia
Musa mostrouse agradecido polo recoñecemento e, como é habitual no internacional bosníaco, quixo compartilo cos seus compañeiros: «Estou agradecido á afección e a Estrella Galicia por este recoñecemento pero sinceramente creo que merecemos 12 trofeos porque é un mérito de equipo».
No mes de febreiro, Musa promediou 22,5 puntos (88,2% en tiros libres, 50% en tiros de dous e 42,9% en triplas), 6,0 rebotes, 5,5 asistencias, 1,0 tapón e 9,0 faltas recibidas, para os mencionados 30,5 créditos de valoración.
