O Cafés Candelas recibe ao Palencia nun partido clave para as aspiracións celestes (18:00 horas)
A derrota do CB Prat o venres ante o Río Ourense supón un freo na espectacular traxectoria do máis incansable perseguidor dos celestes. O partido de hoxe é unha oportunidade de ampliar o espazo entre o líder e os aspirantes a roubarlle a supremacía.
O Cafés Candelas terá diante a un Chocolates Trapa Palencia que non está a asinar a súa mellor tempada, pero o recente cambio no banco coa chegada de Alejandro Martínez parece ter reanimado ao equipo palenetino que, independentemente da súa irregular tempada, conta cun plantel cheo de nomes importantes na competición: Miso, Otegui, Pino ou Grimau entre outros.
O apoio do Pazo será fundamental unha xornada máis, na que s e podería dar o debut de Sandi Cebular co Cafés Candelas.
Natxo Lezkano agarda contar co equipo ao completo para tratar de sumar unha vitoria crucial.
