Os alumnos do centro lucense rendironun grande recibimento para os xogadores do Cafés Candelas
Matt e Michael visitaron varias aulas do centro Rosalía de Castro onde os alumnos e mestre, sempre en inglés, tiñan preparadas presentación en power point resumindo a traxectoria dos dous breoganistas, unha ampla serie de preguntas sobre diversos temas e algunha sorpresa como un Happy Birthday cantado a ámbolos dous xogadores que celebran os seus respectivos aniversarios durante estas datas (Matt o vindeiro 5 de marzo e Fakuade o pasado 18 de febreiro). Tamén houbo agasallos como unha medalla de lembranza para cada un conmemorativa da visita ou algunha caricatura coa que se atreveron os rapaces do centro.
Agradecemos ao persoal, profesorado a alumnos do Rosalía de Castro o recibimento e agardamos velos a todos no Pazo.
Esta iniciativa encádrase no programa de promoción do deporte e colaboración con proxectos educativos e sociais que leva a cabo o CB Breogán co patrocinio da Deputación de Lugo.
Publicado por CLUB BALONCESTO BREOGAN SAD en Martes, 21 de febrero de 2017