O vindeiro domingo o Cafés Candelas visita ao BAXI Manresa (12:30h.)
Será un partido especial por moitos motivos. Ademais da importancia deportiva que ten, trátase dun encontro que enfronta a dous equipos recentemente ascendidos a Liga Endesa, unha circunstancia difícil de atopar na ACB durante os últimos anos, e que simboliza o aire fresco e a renovación que representa para a competición o ascenso de dous equipos no mesmo ano.
Ademais significa a reedición dun clásico do baloncesto, e lembrar un duelo que a pasada tempada deixou grandes momentos tanto na pista como na grada no pulso que mantiveron os dous equipos polo ascenso e mesmo na final de Copa Princesa. Partidos de alto nivel na pista e exemplar na grada con dúas afeccións festexando un evento no que preside a sa rivalidade e a festa dun deporte que, con diferentes cores, únenos.
A afección de Manresa e a do Breogán manteñen unha fluída relación e todo o que acontece en Lugo e Manresa é sempre compartido por seguidores de ámbalas dúas cidades. Neste caso as peñas vermellas terán un detalle espectacular lembrado a Mirian Vázquez, a colaboradora do Breo e afeccionada celeste que falecía días atrás deixando un baleiro importante entre a afección por moitos motivos. En Manresa dedicarán unha pancarta para lembrala e homenaxear a unha persoa que moitos afeccionados cataláns coñeceron con motivo da Final da Copa Princesa, na que Mirian foi parte importante entre o corpo de voluntarios e colaboradores que fixeron posible unha cita única.
Sen dúbida estamos ante unha cita especial.
Solidaridad contra el cáncer, un homenaje de la @gradanimacio a Mirian, un partidazo entre @BasquetManresa y @CBBreogan , y dos aficiones que se respetan y después del encuentro se van a comer calçots a la Masía de Canet de Fals. Este es el resumen de lo que pasará el domingo. https://t.co/nZuSzIRW3R
— Alfons Meister ?️ (@alfonsrm) November 23, 2018
Cuando lo mejor del deporte trasciende más allá de las pistas pasan estas cosas. Valores, solidaridad, respeto, humanidad... Gràcies @gradanimacio, sou l’exemple perfecte de com s’ha d’entendre l’esport. #mirianeterna #quedamuchavida #gràcies https://t.co/paqBp7ogBr
— Salva Arco Frias (@SalvArco) November 22, 2018