O equipo celeste incorpora ao pivote xamaicano de 2,15 m. con pasado NBA e Liga Endesa
Jerome Adolphus Jordan ( Kingston, Xamaica, 29/09/1986) é un xogador formado en Estados Unidos na Universidade de Tulsa (NCAA) onde destacou cunha media de 15,4 puntos, 9,1 rebotes e 2,3 tapóns por partido, o que lle valeu para facerse con varios récords da súa universidade e mencións en quintetos defensivos de ÚSA Conference.
Elixido no Draft NBA 2010 polos Bucks, disputou varias ligas de verán da mellor liga do mundo e alternou o seu paso por NBA NY Kniks en 2011 ou Brooklyn Nets (2014/2015), con ligas de desenvolvemento NBA e experiencias fóra do seu país (Serbia, Eslovenia, Italia, China ou Filipinas) ata a súa chegada a Liga Endesa onde disputou as dúas, últimas tempadas co Divina Joventut de Badalona.
Xogador con poderío físico, capacidade reboteadora e intimidadora e moi efectivo ao poste baixo, Jordan será un importante complemento para o equipo, e achegará ao Cafés Candelas presencia interior, coñecemento da liga.
Espérase a súa chegada durante os próximos días para incorporarse ao traballo co seu novo equipo.
