Non apareceu no Paco Paz o Breogán das boas ocasións. Xuntouse un mal partido dos celestes cunha exhibición dos locais para rematar cunha vitoria cobista moi clara (83-52). Non saíu nada. É ese é o resumo do encontro para os breoganistas. Pero o equipo volveu a sentir que a súa afección é única e fíxose oír no Paco Paz e sabe que o domingo (19:00 horas) volverá a estar acompañado pola incansable Marea Celeste.
Este Breogán superou moitos problemas este ano e agora sufriu unha derrota, pero unha derrota no primeiro partido da final. Toca erguerse e seguir. Forza Breo !!
