O equipo celeste foi superior ao COB coa axuda dun Pazo espectacular
Partidazo do equipo celeste nunha nova edición do Derbi do Miño. Os de Epi foron mellores, dominaron o rebote e estiveron acertados no lanzamento exterior sabendo frear os puntos fortes dun combativo Ourense.
Powell foi o home máis valorado con 21 puntos e 8 rebotes seguido dun espectacular Ahonen con 17 puntos (5 de 7 en triplas) e 5 asistencias. Dragicevic asinou 14 puntos e 6 rebotes.
O Leite Río segue gañando confianza e bo xogo e deixa o 2019 con boas sensación e cun respaldo na grada que fai ser optimista de cara ao novo ano 2020 que comezará visitando o día 3 o Força Lleida.
