Os celestes sumaron o seu quinto triunfo da tempada
O Leite Río Breogán mostrouse máis intenso e respondeu á procura que solicitara o seu técnico na previa de solidariedade e esforzo en equipo para esquecede a ansiedade das últimas xornadas.
Os celestes mostráronse moi acertados desde o xogo exterior no inicio o que lle permitiu chegar a vantaxes que roldaron os 20 puntos, pero tamén houbo máis intensidade e dureza en defensa e preto do aro, o que mantivo ao equipo por diante mesmo cando Levitec Huesca apertou para achegarse a 5 puntos no terceiro cuarto.
Mo Soluade foi o xogador máis valorado do Leite Río con 17 enteiros tras asinar 14 puntos, 5 asistencias e 3 rebotes. Dago Pena anotou 15 puntos e Ahonen e Nurger 11.
O equipo celeste non puido contar cos lesionados José Nogues e Thomas de Thaey. Ante a posible baixa de longa duración do belga, o club traballa para incorporar un reforzo ao equipo.
O Leite Río volve ao Pazo o vindeiro sábado 23 ás 17:00 horas cun derbi ante Marín Ence Peixegalego.