O xogador comunicou a súa decisión e o club busca no mercado un substituto de garantías
Zan Mark Sisko comunicou ao club a súa decisión de parar a súa carreira por motivos persoais. O director xeral, Tito Díaz, anunciouno en rolda de prensa desexándolle ao xogador o mellor no seu futuro persoal e profesional e solicitando o máximo respecto por unha decisión que pertence ao ámbito persoal do xogador.
Tito Díaz tamén confirmou que o club traballa para atopar un substituto.
Despois de tentar durante algún tempo de volver encamiñar a miña carreira polo camiño correcto tras un ano de ausencia, as cousas non saíron como esperaba e planeaba, así que tiven que tomar a difícil decisión de deter a miña carreira no baloncesto e abrir un novo capítulo na miña vida. Gustaríame agradecer a toda a xente do club, por todo o apoio e a oportunidade que me brindaron. Tamén me gustaría dar as grazas a todos os afeccionados polo amor e o apoio que me mostraron neste curto período de tempo. Deséxolles todo o mellor para o futuro!
Zan Mark Sisko
