Homenaxe para a lembranza a un equipo para a historia
O mesmo Areñas, o speaker do Breogán confesou cumprir un soño: o de presentar a ese equipo de mediados dos 80 que acadou a mellor clasificación dun equipo galego na historia da ACB (6º) e que é “culpable” de que unha parte importante da grada celeste leve o breoganismo no sangue.
Areñas presentou ao Tito Díaz, Liru Valiño, Tomás Jimenez e Suso Fernández, nomeou aos ausentes e, con palabras de lembranza para os falecidos Abadía e Garrido, finalmente pediu unha enorme ovación para un adestrador que gañou con carisma e traballo o corazón da historia breoganista: José Antonio Figueroa, que viaxou dende Bilbao, onde reside, para recibir un merecido e emocionado aplauso.
Todos recibiron de mans do presidente e do consello de admisnistración unha placa en lembranza da homenaxe.
Uns minutos cargados de emoción enmarcados polo aplauso unánime dun Pazo espectacular que recoñeceu a importancia histórica dun equipo que quedará para sempre nos anales celestes
