O do sábado no Pazo será un partido especial por múltiples motivos
A partires das 20:00 horas do sábado, o pazo dos Deportes acollerá un espectáculo de primeiro nivel no eido deportivo con dous equipos loitando pola coroa de LEB Ouro. Pero os motivos para non faltar non que dan aí.
Nos prolegómenos do partido haberá homenaxe a ASPNAIS, unha institución que leva traballando polo benestar de moitas familias lucenses dende hai 50 anos, e que nacía polos mesmos días que o facía o Breo. O Partido estará dedicado a homenaxear a labor desta Asociación de Pais ou Titores de Persoas con Discapacidade Intelectual de Lugo.
No descanso entre o primeiro e segundo cuarto volverá a emoción da Canastra Star Center, e entre o 3ª e o último saberemos quen será o segundo gañador da rifa dunha cea con xogadores e técnicos do Cafés Candelas Breogán, e nesta ocasión sumarase un segundo gañador que levará unha camiseta do 50aniversario do club.
O Mellor equipo da Historia
Pero será no descanso onde o Pazo poderá homenaxear a parte importante da súa historia. Saltarán ao parqué do Universitario o adestrador e varios xogadores daquel equipo considerado como o mellor galego da Historia. Saltarán á pista unha representación do Breogán 1984-1985 con estrelas do seu tempo como Tito Díaz, Tomás Jimenez, Liru, Suso Fernández e o adestrador daquela tempada Jose Antonio Figueroa.
Un dos que non poderá estar será Pere Práxedes, pero quixo enviar unha mensaxe ao breoganismo con motivo destes #50anosdeBreo Grazas! pic.twitter.com/XFpWCGePxe
— Breogán (@CBBreogan) March 10, 2017
Será un momento sen dúbida especial no Pazo que segue a honrar os seus 50 anos de historia.