Vitoria ante Palma no Pazo (93-80)
Con sete xogadores por riba dos 10 puntos e un xogo brillante por momentos, o Cafés Candelas superou con claridade ao Palma no Pazo.
Tres cuartos impecables e o último no que os celestes baixaron o nivel de intensidade e no que o Palma aproveitou para maquillar un resultado que chegou a reflectir 36 puntos de vantaxe para o Breo.
Guille Rubio con 14puntos, 5 rebotes e 3 asistencias;Leo Demetrio con 13 puntos e 7 rebotes, Ricardo Úriz con 11 puntos, 2 rebotes e 5 asistencias; Stainbrook con 12puntos, Fuzro con 11 e Christian Díaz e Sergi Quintela con 10, foron os mais destacados.
Dejan Cigoja con 5 puntos, 2 rebotes e 1 recuperación xogou oseu último partido co Cafés Candelas ao cegar ao final do seu contrato temporal co conxunto celeste. Natxo Lezkano valorou moi positivamente a súa achega durante as semanas nas que formou parte do equipo.
Sulejmanovic non xogou tras chegar cun proceso vírico da súa experiencia internacional na ventá FIBA.
Os celestes xogarán o seu vindeiro partido o domingo en Huesca (12:15 horas).
