A implantación progresiva dun novo programa dixitalizado e online precisará escalonar as altas nalgúns casos e o paso polas oficinas de parte dos afeccionados para facer as altas. A intención é que a medio prazo tódalas xestións poidan facerse online.
Dende o vindeiro luns día 11 os afeccionados que o desexen poderán facer uso da plataforma de Internet para a renovación de abono da tempada 17/18 nos seguintes supostos:
- Socios novos sen asento para os fondos “Campus” e Estadio.
- Socios novos que desexen un asento nas zonas “Lugo A” , “Lugo A Banco ”, “Lugo D”, “Lugo D Banco” así como “Miño A” , “Miño A Banco”, “Miño D Banco” e “Miño D” (Zonas sen reservas da pasada tempada).
- Socios da tempada 16/17 que desexen confirmar o seu asento sen cambios e sen engadir novas reservas de asentos.
TAMÉN SO DE XEITO PRESENCIAL:
Os socios da tempada 16/17 con reserva de asento que desexen mudar a súa localidade ou ben engadir asentos para a súa familia (para os que entren nos descontos familiares: fillos menores de 18 e parella) disporán dun prazo preferente sobre as súas localidades ata o día 19 de setembro ás 20 horas.
Estes socios, pasando polas oficinas do club, poderán mudar as súas localidades ou engadir novos asentos ao paquete familiar entre os asentos que o sistema ten bloqueado (2.800 localidades) para poder facilitar os cambios aos seus aboados.
Finalizado este prazo o sistema liberará os asentos libres para os abonados do ano pasado que non dispoñan de asento ou ben para os novos abonados. Este prazo preferente manterase ata o luns 25 ás 20:00 horas.
O martes 26 ábrese o acceso ás localidades aos novos abonados.
O proceso de renovación comezará na paxina principal do WWW.cbbregan.gal e premendo no link habilitado que dirixirá á aplicación online.
Resumo do proceso online:
Inicio : Identificación:
- Aboado da pasada tempada:
- Número de abonado da tempada 16/17 impreso no seu carnet e contrasinal (os mesmos da taquilla online da tempada pasada). Os grupos familiares da pasada tempada apareceran vencellados ao primeiro usuario para renovación/modificación de todo o grupo familiar sendo unicamente necesario unha única sesión aberta para renovar os abonos.
- No caso de non lembrar o contrasinal, poderá solicitarse un novo.
- Complementar datos de formulario.
- Pagar con tarxeta de crédito
- Novo aboado:
- Selección de zona de ubicación con asento en fila e columna determinada. ( posible selec. Multiple para o grupo familiar)
- Complementar datos de formulario.
- Pagar con tarxeta de crédito.
No paso de completar datos de formulario os sistema requirirá :
Escolla de asento, axuntar DNI, libro de familia, tarxeta actualizada de desempregado (tarxeta de búsqueda activa de emprego), estudante (matrícula de presente curso académico ou certificado do centro) , opción aparcadoiro, etc …. e validar.
Pago con tarxeta de crédito ou débito nun prazo inferior a 30 minutos na mesma sesión ou perderanse as reservas.
Unha vez recibido o pago o sistema comunicara ao socio, nun e-mail, que o proceso concluíu satisfactoriamente e recibirá un código QR provisional para acceder aos partidos no Pazo.
Os documentos poderanse axuntar en formato fotográfico ou PDF de xeito completo e lexible. En caso de que non se cumpran as condicións o abono e a reserva serán rexeitadas ou anuladas e poderase requirir a documentación axeitada a cada caso.
Pasados uns días deberá retirar a súa tarxeta de socio, unha tarxeta personalizada e dotada de sensor de proximidade e QR para acceder os partidos.
Lembramos aos afeccionados que non estará permitido o tránsito entre zonas no Pazo durante a celebración dos partidos e que o acceso aos laterais estará limitado por Controladores de seguridade.
