O Breo , presente nunha das festas máis importantes do panorama nacional cunha tenda no centro de Lugo
Con novas pezas de merchandising grazas á colaboración con Rei Zentolo, o CB Breogán conta neste Arde Lucus 2018, primeiro ano como Festa de Interese Nacional, cunha tenda en pleno centro da cidade, na Praza Anxo Fernández Gómez (Tras o Concello onde se situaba a antiga libraría Balmes).
Deseños de camisolas coa orixinalidade de Rei Zentolo –que honran tamén a festa romana- únense a pezas clásicas como gorras, chalecos, camisola do 50 aniversario… con diversidade de tallas para tódolos públicos.
O horario de apertura previsto é de 10:30 a 14:00 horas e de 16:30 a 20:30 horas venres e sábado, e de 11:00 a 14:00 e de 16:30 a 20:30 o domingo.