O xogador compatibilizará o traballo co equipo EBA chantadino e o Leite Río Breogán
O xove internacional coas seleccións de formación de Montenegro debutou co Leite Río Breogán en partido de pretemporada ante Destino Palencia achegando os seus primeiros puntos coa camiseta celeste. O xogador seguirá traballando con frecuencia ás ordes de Diego Epifanio durante a semana, alternando sesións no Pazo con traballo co Ucoga Chantada onde xogará en categoría EBA e virtude do acordo que CB Breogán mantén co club da Ribeira Sacra.
Djordjije Marinovic desenvolveu un valioso traballo completando os adestramentos do Leite Río Breogán en pretemporada e seguirá adestrando con regularidade no Pazo, ao mesmo tempo que será unha peza importante no CB Chantada ao que desexamos toda a sorte na nova tempada.
